Plantun de Prouvènço

Pèr coumpara dos planto d'encò nostre

Bupleurum tenuissimum & Barbilophozia lycopodioides

Bupleurum tenuissimum

Apiaceae Umbelliferae

Nom en français : Buplèvre menu.

Descripcioun :
Lou buplèvre-prim es uno planto dindouleto, ramificado tre la baso e que retoumbo souvènt. Èi pèr acò que se vèi pas toujour. Trachis dins li prado e pelouso umido, li mueio e pulèu sus marlo o argielo e de cop que i'a sus un sòu sala. S'aluencho pas trop de la mar. Sèmblo proun au buplèvre-verdau, Bupleurum semicompositum, pamens aquest darrié trachis dins li relarg secous, e si fru soun pas cubert de costo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 50 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Bupleurum
Famiho : Apiaceae
Famiho classico : Umbelliferae

Ordre : Apiales

Coulour de la flour : Roso
Petalo : 5
Ø (o loungour) flour : 3 mm
Flourido : Printèms - Estiéu - Autouno

Sòu : Na Cl
Autour basso e auto : 0 à 600 m
Aparado : Noun
Remarco : Planto de coustiero
Jun à óutobre

Liò : Prado umido - Mueio - Marlo - Ermas
Estànci : Mesoumediterran
Couroulougi : Mediterrano-atlantico
Ref. sc. : Bupleurum tenuissimum L., 1753

Barbiho-de-la-grando

Barbilophozia lycopodioides

Anastrophyllaceae

Nom en français : Grande barbille.

Descripcioun :
Aquesto grando barbiho crespudo trachis sus li roucas séusous de mountagno dins li relarg fres. Fai ges de gemo, mai i'a d'amfigastre. Se recounèis à si fueio subsimetrico di tres à quatre lobe sus de ramo de tipe Frullania e acabado pèr de benc (fotò). Se vèi peréu de ciho à la baso de la fueio (fotò). Li celulo caupon de 3 à 10 ouleoucors. La planto èi marcado sus listo roujo categourìo LC valènt à dire soucit minour.

Usanço :
Es poussible de s'engana emé d'àutri epatico dóu meme gènre (coume B. hatcheri) o emé : Trilophozia quinquedentata, Saccobasis polita...